Oktoich

Боже́ственнии пропове́дницы и́стины и учи́телие Це́ркве, показа́стеся самови́дцы, апо́столи: и́долов бо пре́лесть попра́вше и Тро́ицу я́сно пропове́дасте, Ю́же моли́те, блаже́ннии, дарова́ти нам ве́лию ми́лость.

Прииди́те вси, апо́столы воспои́м, я́ко прави́тели: и́долов бо лесть отгна́ша, и к све́ту жи́зни возведо́ша, и Тро́ицу сла́вити научи́ша. Те́мже вси их честну́ю па́мять соверша́юще ве́рнии, Спа́са прославим.

Jetzt, Theotokion: Я́ко невозде́ланная, Де́во, лоза́, красне́йший Гро́зд прозябла́ еси́, источа́ющий нам вино́ спаси́тельное, всех веселя́щее. Те́мже я́ко вину́ Тя благи́х ублажа́юще, при́сно со А́нгелом вопие́м: ра́дуйся, Благода́тная.

Wunderbar ist Gott in seinen Heiligen, der Gott Israëls.

Вооружи́вшеся во всеору́жие Христо́во и обле́кшеся во ору́жие ве́ры ополче́ния вра́жия страда́льчески низложи́сте; усе́рдно бо, наде́ждею жи́зни, претерпе́сте вся мучи́тельская дре́вле преще́ния же и ра́ны. Те́мже и венцы́ прияте, му́ченицы Христо́вы терпели́воду́шнии.